Боењето на Велигденски јајца е традиција исто како и украсувањето на божиќната елка, затоа вклучете ги и децата , за да биде предпразничната радост уште поголема
Поминаа тие денови кога единствена опција беше да се купи кесичка со боја и најчесто се избираше црвена. Како никогаш до сега има можности за декорирање, без разлика дали сте почетник или не, ако ја пуштите креативноста и со помош на детските рачиња, ќе добиете единствена корпа, полна со оригинални јајца .
Совет : пред да се започне со обојување, премачкајте ги со киселина, на тој начин секоја боја рамномерно ќе се нанесе, овој чекор е од клучно значење!
Да биде позабавно, експериментирајте и со големината на јајцата, на пример :
Јајца од гуска и ној – поради нивната големина се атрактивни,имаат мазна и бела лушпа, но имаат една маана – потешко може да се дојде до нив.
Јајца од потполошка, – кога природата ќе замеша прсти, добиваме вистински ремек дела. Тие се шарени и подготвени за на велигденска трпеза. За децата се исто така интересни поради нивните минијатурни димензии. Кај овие јајца нема никаква маана ,може да се купат во маркет и ако се одлучите да ги додадете во велигденската декорација, добивате 2 во 1 и тоа: природно се обоени и лесно се вклопуваат во секоја велигденска декорација , а по „традиционалното кршење со јајца“, децата ќе изедат хранлив производ , кој се вбројува меѓу 10те супер прехранбени производи со високопротеинска и биолошка вредност богата со минерали, витамини и аминокселини .Благодарение на домашниот производител НАТУРАНА Трејд Битола, ги имаме секогаш свежи и квалитетни.
Низ фотографии, неколку идеи за боење и декорирање, во кој што децата со радост ќе се приклучат:
Златни јајца – зошто оваа година не би ги направиле со златна боја,половината потопете ги во златна боја, а на другата половина, оставете ги децата да нацртаат мотив, а може и да се изненадите од вашиот мал Пикасо.
Украсни траки – всушност и не мора да ги боите јајцата, употребувајте самолеплива трака, оваа техника на децата им е позната, па лесно ќе се вклопат во задачата.
Ботанички велигденски јајца– најубави јајца за оваа техника се јајцата од потполошка (препелица). Со нивната природна шара на лушпата , само додате цветчиња, ливчиња, гранчиња, други билки кои ви се на дофат од природата, децата со радост ќе ги наоѓаат и на крај ќе ја имате најубавата, единствена велигденска декорација.
Омбре велигденски јајца – ова техника ќе ви биде подеднакво интересна и вас и на децата. Подгответе ги омилените бои според бојата која преовладува на вашата трпезариска маса, лесно ќе ги направите , а ефектот ќе биде голем. Децата ќе ги употребуваат своите мобилни да го мерат времето помеѓу секое дополнување вода во чашата со боја. Начинот на боење погледнете го од видеото.
