Како да ги мотивираме децата да трчаат
Со зголемената дебелина и се помалата физичка активност на децата, родителите треба да ги поттикнуваат децата да спортуваат , за да го подобрат долгорочно своето здравје.
Но, колку е трчањето добро за децата?
Трчањето е одличен вид на вежбање за било која возраст, а поттикнувањето на децата да учествуваат во спорт и активности , каде што има трчање е позитивно и здраво.
Трчањето ги зајакнува коските, ја подобрува координацијата, го вежба кардиоваскуларниот систем, ги зацврстува мускулите и тетивите и секако е Забавно! Сите овие се причини да почнете да трчате, но умерено и без претерување.
Колку може децата да трчаат?
Кај децата почетници со трчање, примарно треба да биде уживањето, задоволството од истото. Затоа обидете се трчањето да им биде забавно, а тоа може да се постигне и со воведување на различни тркачки дисциплини: спринтови, трчање со препреки, штафетно трчање и т.н.
Водете сметка, пред трчање да се направи загревање и истегнување.
Дали може децата да се тркаат?
Поголем број маратони, поставуваат старосна граница, а минималната граница е 16-18години. Ако вашето дете има помалку од 15 години може да се трка во детски трки на следна должина:
- под 4 години 50 – 100m
- 5-6 години – 200m
- 7-8 години – 400m
- 9-10 години – 500m
- 11-12 години – 800m
- 12-13 години– 1.6km
Совет
Ако сакате вашето дете да има добра основа за понатамошно напредување, дозволете му да тренира со квалификуван тренер. За родителите од клучно значење е тренингот да е правилно структуиран во склад со физичкиот развој, со што се елиминира опасноста од претренираност.