Емоциите на тинејџерите се комплексни. Бурата од хормони, промените во физичкиот изглед и желбата за поголема независност имаат силно влијание врз психичката состојба на младите. Депресијата многу почесто се појавува кај децата чии родители страдаат од оваа состојба, но таа најчесто е предизвикана од:
- Смрт на блиска личност;
- Нарушени односи во домот – постојани кавги, семејно насилство;
- Развод на родителите;
- Сексуално малтретирање;
- Финансиски проблеми, сиромаштија;
- Преселување во нов дом и промена на училиштето;
- Невозвратена љубов, раскинување;
- Разочарување или неуспех на училиште;
- Стрес поради промени во физичкиот изглед кој носи пубертетот;
- Лоши социјални вештини кои резултираат со изолираност од пријателите;
- Инвалидитет;
- Физички недостаток;
- Вербално или физичко малтретирање од соучениците.