СТЕФАНИЈА –
Стефанија е мултиталентирана млада девојка со релативно богат уметнички багаж позади себе…Започнува на сцена од најрана возраст, најпрво на модна сцена од 4 години, потоа на музичка сцена , на детски фестивали. Нејзината работна биографија ја пополнува и со актерски улоги и танчерски искуства .
Прави сопствена музичка продукција “Welcome to STEFANIJA’s Music World”, сопственик е на Анастасија Центар – центар за перформанси, музика, мода и танци. Нејзиниот немирен дух се обидува да бара нови хоризонти, па зема учество на музички и реални настани, а своето искуство го пренесува на помладите, на часови по пеење, танц и манекенство. Таа е дипломирана поп и џез пејачка , на бугарскиот универзитет во Софија – 2014 година.
За себе вели дека е талентирана и амбициозна.
Нејзината желба да биде единствена, поинаква , впечатлива, ја покажува преку личниот моден стил. На тинејџерите им порачува да бидат свои, да го слушаат сопствениот внатрешен глас и да создаваат сопствен свет.
Таа е вегетаријанец, поборник за здрав начин на живот, тоа го пренесува и на своите ученици – танчери
За нејзините желби и планови, тинејџерски лудории и секојдневни ритуали, гледајте го интервјуто
Разговорот го направи Ива Димковска – нова генерација тинејџ водители