Matthew McConaughey ќе биде професор на Универзитетот во Тексас

Од Бојан Божиловиќ

Актерот од The Wolf of Wall Street и Dallas Buyers Club оваа есен ќе предава на Универзитетот од Тексас во одделот Радио-Телевизија-Филм.Тој уште од 2015 работел како инструктор,а со назначувањето на оваа позиција од универзитетот велат дека е препознавање на неговата одлична работа како ментор и професор.

Ова е универзитет каде и самиот McConaughey студираше и дипломира за филм во 1993.После тоа направи богата кариера играјќи во повеќе од 50 филмови како што се Dazed and Confused,Interstellar,The Lincoln Lawyer и A Time to Kill,додека оваа година играше во Serenity и The Beach Bum кои и немаа многу висок рејтинг.

Наредната година ќе игра во крими комедијата на Guy Ritchie,The Gentleman,заедно со Charlie Hunnam,Michelle Dockery и Henry Golding.Matthew McConaughey е и добитник на Оскар за главната улога во Dallas Buyers Club од 2013,за кој ја освои и наградата Golden Globe.